Изработување на краткометражни документарни филмови на тема „Животот на децата во холокаустот“ учебна 2021/2022

Комисијата се состана на ден 07.05.2022 година и ги прегледа пристигнатите 7 краткометражни документарни филмови на ученици од основните училишта во земјава. Од пристигнатите 7 краткометражни филмови еден воопшто не одговори на зададената тема.

Жири комисија:

Стојан Вујичиќ, режисер и сценарист

Бобан Боцевски, снимател и документарист

Фросина Насковиќ, фотограф и видеограф

Едногласно беа избрани следниве три најдобри творби изработени во оваа техника:

Прво место: 06 „ Втората Светска Војна од очите на децата“ изработено од учениците Виктор Јакимов, Марко Баловски, Лина Јанеку и Дамјан Стојановски

ООУ „Јохан Хајнрих Песталоци“, Скопје, ментор - Бранка Димевска Коцева

Во видеото интервјуирана е Луција Хелман, преживеана од холокаустот. Во ова видео највеќе се цени вложениот труд на учениците да снимат сопствена содржина по свои сценарио, режија и монтажа, како и тоа да пронајдат и да интервјуираат адекватен соговорник кој меѓу другото зборува за сопственото детство за време на холокаустот.

Второ место: нема

Трето место: Делат 2 видеа

1. 01 „Животот на децата во холокустот“ изработено од ученици од 8 и 9 одделение

ООУ „Методи Митевски Брицо“, село Лозово, ментор Ленче Китанова

2. 05 „Холокаустот низ призмата на детските очи“ изработено од Максим Костадинов, Аналена Барзов, Миа Лапе, Леона Апостолова, Сузана Јашар, Софиа Трајковска, Луиза Гонев Чашуле, Јана Трпчевска

ООУ „Јохан Хајнрих Песталоци“, Скопје, ментор Бранка Димевска Коцева

Видеото со број 01 најдобро одговори на зададената тема, преку пишување сопствено автентично сценарио и глума. Се гледа креативната изработка. Сепак големата забелешка за техничките недостатоци не дозволуваат да добие повисока награда.

Видеото со број 05 е снимено во Музејот на холокаустот и е направено со вложување на голем труд, се гледа добрата обмисленост и финалниот продукт технички е најсовршено изведен. Забелешката е што не е разработено повеќе за децата во холокаустот.

Пофалба: 02 „Децата во холокаустот – краток документарен филм“ изработено од ученици Марија Жилеска и Славица Каланоска,

ООУ Дебрца, село Белчишта, ментор Далиборка С. Симоновска

Ова видео е создадено со архивски снимки и фотографии, особено внмателно одбрани да ги прикажат децата. Одлично одговорено на темата, со краток но ефектен текст и смирена музичка позадина. Видео кое буди емоции. Забелешката е за ограничувањето од авторските права на користениот видео и фото материјал, заради кои истото нема да може да се прикачи на интернет страната на музејот ни на социјалните мрежи.