Учество на научен собир
По повод 70 години постоење на НУ Завод за заштита на спомениците на културата и Музеј- Струмица и 150 години од раѓањето на Гоце Делчев, во Струмица беше одржан научен собир на тема: Епиманонда Поп Андонов и македонското народноослободително и антифашистичко движење за време на Втората светска војна (1941-1945).
На научниот собир учествуваше и Фондот на холокаустот на Евреите од Македонија со свој претставник, м-р Жаклина Мучева која зборуваше на тема: АНТИФАШИСТИЧКАТА БОРБА НА ЕВРЕИТЕ ОД БИТОЛА ПРЕКУ ЛИКОТ И ТВОРЕШТВОТО НА ЖАМИЛА КОЛОНОМОС – ЦВЕТА.
На научниот собир се презентираа нови истражувачки сознанија поврзани со историските, воено-политичките, културните, духовните и општествените околности во Македонија, на Балканот и во Европа (пошироко) пред, за време и по Втората светска војна (1939-1945) со посебен осврт на македонската народнослободителна борба и на антифашистичко движење во Македонија (1941-1945) проследени (систематски разгледани) како феномени (историски појави) вградени во темелите на современата македонска држава.
Од научниот собир ќе произлезе зборник во кој ќе бидат поместени трудовите на сите учесници.
Последни вести
Сподели: << Назад
Секоја помош од Ваша страна е повеќе од добредојдена.
Донирајте за да продолжиме со успешната работа и едукација