Бесплатни онлајн курсеви за холокаустот во земјите …

+389 71 399 005 +389 2 3298 025 info@holocaustfund.org.mk Почетна Новости Најнови информации Видеа Едукација Историја на еврејскиот народ Кратка историја на еврејскиот народ Источен период (стар и среден век) Западен период (среден и нов век) Сефардските Евреи на Балканот – Македонска хроника Евреите на Балканот меѓу двете светски војни Евреите во Југославија Евреите во Македонија меѓу двете светски војни Втора светска војна Што е Ционизам Основање на државата Израел Еврејската заедница во Република Македонија денес Холокауст Што е тоа холокауст Појава на нацизмот и доаѓање на Хитлер на влaст Почетоците на холокаустот Антисемитизам Нинбершки закони „Кристална ноќ“ Почеток на војната Што е гето, животот во гето Конечно решение на „Еврејското прашање“ Конференција Ванзе Логори Холокаустот во Европа и Југославија Холокаустот во Македонија Евреите во движењето на отпорот во Македонија Праведници Други жртви Децата во холокаустот Евреите по војната Жените во холокаустот Негирање на холокаустот IHRA Фондација За нас Мисија Управен одбор Извештаи Меѓународен консултативен одбор Закон за денационализација Меморијален центар Нарачај онлајн Публикации Продавница КОМЕРЦИЈАЛНА ПОНУДА Контакт Бесплатни онлајн курсеви за холокаустот во земјите од поранешна Југославија Започнуваме нов проект со наслов: „Холокаустот во земјите од поранешна Југославија“. Ова е прв ваков проект во регионот и има за цел да обезбеди подлабоко разбирање на холокаустот на територијата на поранешна Југославија, да поттикне критичко размислување, да промовира толеранција и емпатија, како и да ја истакне постојаното значење на едукацијата за холокаустот во регионот. Проектот се состои од четири посебни онлајн курсеви и еден шестдневен семинар во живо, кој се организира по завршувањето на четвртиот курс во Белград и Скопје. Сите курсеви, како и семинарот, се занимаваат со темата на холокаустот и антисемитизмот на територијата на поранешна Југославија. Предавачи на онлајн курсевите се еминентни експерти од областа на историјата, следењето и спречувањето на антисемитизмот, истакнати историчари од регионот и Европа, афирмирани во областа на студиите за холокаустот (Шоа). Учесниците на програмата ќе имаат можност да учествуваат во дискусии, ќе имаат пристап до подготвителни и дополнителни материјали, кои ќе им помогнат повеќе да се запознаат со темите поврзани со холокаустот. Секој од четирите курсеви се состои од три двочасовни предавања, кои се организираат еднаш неделно од 18:00 часот, освен ако не е поинаку назначено. Можете да аплицирате за еден, два или сите четири курсеви. Прв курс: Вовед во холокаустот (онлајн датуми: 27 март, 3 април, 10 април) · Кратка историја и преглед на холокаустот (27 март) · Патот до холокаустот – нацистичка идеологија и подемот на нацизмот (3 април во 19 часот) · Холокаустот: криминал, комеморација и негирање/искривување (10 април) Втор курс: Холокаустот во Југославија, со фокус на територијата на Србија и Северна Македонија (онлајн датуми: 8, 15 и 22 мај) · Холокаустот во Југославија: вовед (8 мај) · Холокаустот во Србија под нацистичка окупација (15 мај) · Холокауст на територијата на денешна Република Северна Македонија (22 мај) Трет курс: Холокаустот во Југославија, со фокус на Хрватска, Босна и Херцеговина и Словенија (онлајн датуми: 5, 12 и 19 јуни) · Холокаустот на територијата на денешна Република Хрватска (5 јуни) · Холокаустот на територијата на денешна Република Босна и Херцеговина (12 јуни) · Холокауст во Словенија (19 јуни) Четврти курс: Антисемитизам (онлајн, термини 4, 11 и 18 септември) · Преглед на историјата на антисемитизмот (4 септември) · Антисемитизмот во Србија во минатото и сегашноста (11 септември) · Подемот на антисемитизмот и антиционизмот денес: предизвиците на еврејските заедници (18 септември) Семинар во Белград и Скопје, 21-26. октомври 2025 година. На семинарот во Белград и Скопје ќе учествуваат 20 избрани учесници на онлајн курсеви. Овој семинар, покрај дополнителните предавања и работилници, ќе опфати и обиколки со водич низ еврејското наследство на главниот град на Србија и Македонија, како и обиколка и стручни упатства на местата на егзекуција и локации на поранешни концентрациони логори. Пријавувањето за онлајн курсевите се врши со пополнување на формуларот за регистрација. Крајниот рок за аплицирање за првиот курс: Вовед во холокаустот е 14 март 2025 година. Нема ограничувања за возраста, занимањето или образовното ниво за потенцијалните слушатели. Курсевите се одржуваат на локални јазици со неколку предавања на англиски јазик. Проектот го реализираат организацијата Хавер Србија во соработка со Фондот на холокаустот на Евреите од Македонија со поддршка на Claims Conference (Conference on Jewish Material Claims Against Germany). Учеството на курсевите е бесплатно. Координатори на проектот: Тамара Стојановиќ и Александар Стојановиќ