Во пријатна атмосфера, публиката имаше можност да се запознае со содржината на студијата низ разговорот со авторката која експлицитно ги објаснуваше сите клучни моменти од нејзиното истражување, систематизирање на податоци и создавање на книгата.

Книгата на д-р Маја Василјевиќ е резултат на долгогодишно истражување. Користен е материјал од многу домашни и странски архивски институции, од дневен и периодичен печат, книжен фонд. Целиот пишан труд е прилагоден за пошироката читателска публика, не заморува додека се чита, напротив секоја нова страница ве прави гладни за информации кои ги добивате обработени и лесни за паметење. Изобилува со фотографии и табели во кои информациите добиваат поголема прегледност. Не мора да сте музички образовани или да имате историско социолошки предзнаења за Евреите и нивната култура, д-р Маја Василјевиќ незабележливо ќе ви протне многу информации во нарацијата која вешто ја ткае низ своето ремек дело.

Книгата може да се купи во продавницата за книги и сувенири во Меморијалниот центар.