ФОНД НА ХОЛОКАУСТОТ НА ЕВРЕИТЕ ОД МАКЕДОНИЈА

Меѓународен проект ЕДУКОН со наслов „Сите бои на конзервацијата“

Успешно реализиран уште еден семинар од меѓународниот проект ЕДУКОН со наслов „Сите бои на конзервацијата“.

Предавач беше Кристина Хорјак од Народниот музеј во Белград, Србија, а учествуваа 12 конзерватори од нашава земја.

Првиот ден учесниците дискутираа за техниките и условите во кои се изведуваат конзерваторските работи. Предавачот Кристина Хорјак презентираше пример – уметничка слика на која се работело во нивната лабораторија. Стана збор и за видови на материјали кои се користат, подготовка на документација и секако размена на искутва околу начинот на конзервација на оштетени уметнички дела од разни фактори.

Вториот ден од Меморијалниот центар семинарот продолжи во Национална галерија на Македонија каде се разгледуваа и дијагностицираа уметнички слики оштетени од разни фактори. Искутвата и досегашната работа на конзерваторите се споделуваа и се предлагаа техники за санација на штетите.

Меѓународниот прокет „Едукон“ (EduCon) е поддржан од Хедли Траст (Headley Trust) од Кралството на Велика Британија, а во организација на Фондот на холокаустот на Евреите од Македонија.

Целта на проектот е да се зголеми посетеноста во музеите, за повеќе категории посетители, преку десет обуки и семинари, за музејските професионалци од музеите во Скопје.

Во текот на оваа година беа реализирани пет семинари на различни теми од областа на музејската едукација, маркетинг во музеите, пристапност и инклузија во музеите, интерпретација, развој на публика и др. во соработка со искусни предавачи од Балканот.

Благодарност до директорката на Национална галерија на Македонија за можноста да се работи во Даут пашин амам, Дита Старова Ќерими.

Менаџер на проектот „Едукон“ е д-р Ирена Ружин, а координатор м-р Жаклина Мучева.