ФОНД НА ХОЛОКАУСТОТ НА ЕВРЕИТЕ ОД МАКЕДОНИЈА

Европски денови на еврејска култура 2023 - Денови на отворени врати

Во пријатна атмосфера во амфитеатарот на Арт Центарот ги одбележавме „ Европски денови на еврејска култура 2023 - Денови на отворени врати“ и „Европските денови на културнотo наследство“.

На овогодинешните Европски денови на еврејска култура Еврејската заедница, учествува по 17 -ти пат со настан врз зададената тема „Спомени“ .

Публиката имаше можност да ја проследи музичко драмската изведба на книгата „Стенограми“, од Мориц Романо.

Драматизација и режија: Снежана Конески Русо

Актери: Петар Горко и Снежана Конески Русо

Пијано: Андреј Наунов

Баритон: Ернес Ибраимовски

Тенор: Игор Гиевски

Сопран: Гонца Богоромова Краповски

Алти: Тереза Талеска Лазовска и Елвира Шорко

Публиката имаше можност да ја погледне и изложбата „Верските обичаи и културната традиција на македонските Евреи – раскажувања низ предмети и фотографии“ од авторката Лилјана Лазаревска Мешковска

Изложбата опфаќа предмети кои се поврзани со еврејската религија, а со тоа и со културата која произлегла од неа. Во оваа изложба се претставени 16 предмети преку кои можеме да го следиме не само религискиот живот, туку и празниците поврзани со него, начинот на празнување и културата што ја донеле Евреите со себе при нивното населување на овие простори. Изложбата е надополнета и со фотографии, прикажувајќи го семејниот живот, животот во заедницата и културните особености кои датираат од периодот на 20 и 21 век и ѝ даваат живот и динамичност на изложбата.

Од 19.09 изложбата ќе може да се погледне на вториот спрат во Меморијалниот центар на холокаустот на Евреите од Македонија до крајот на ноември.