Меморијалниот центар на холокаустот на Евреите од Македонија во соработка со Меморијалниот центар на холокаустот од Париз (Memorial de la Shoah), а одобрено од Министерството за образование и наука на Република Македонија реализираа едукативен семинар за професори по историја од основни и средни училишта на кој присуствуваа 40 професори од Република Македонија и Република Бугарија.

Семинарот со наслов “Холокаустот како почетна точка: споредување и споделување” се одржа во Скопје, во период 30 август – 01 септември 2017 година.

Меморијалниот центар на холокаустот на Евреите од Македонија во соработка со сродни организации континуирано организира едукативни семинари за професори од основните и средните училишта во Република Македонија. На семинарите професорите имаат можност да дојдат до нови сознанија, алатки и практики за имплементација на холокауст едукацијата во училиштата и воедно нивно вмрежување за размена на искуства и соработка при изработка на проекти за холокаустот.