УЧИЛИШТЕН ПРОЕКТ НА ФОНДОТ НА ХОЛОКАУСТОТ НА ЕВРЕИТЕ ОД МАКЕДОНИЈА И МЕМОРИЈАЛНИОТ ЦЕНТАР НА ХОЛОКАУСТОТ НА ЕВРЕИТЕ ОД МАКЕДОНИЈА

„Холокаустот низ призмата на детските очи“

05.02.2025 година – 20.05.2025 година

Во рамките на проектот ќе бидат реализирани три конкурси:

1. Ликовен конкурс

2. Литературен конкурс

3. Дигитална содржина

Целна група:

Ученици од 7-мо, 8-мо и 9-то одделение, ликовните секции од основните училишта со поддршка на наставниците по мајчин јазик и литература, историја, граѓанско право, етика во религии и сите останати наставници, кои се заинтересирани за проектот.

ЗАВРШНА МАНИФЕСТАЦИЈА:

20 мај 2025 година

На завршната манифестација ќе бидат прочитани 3-те најдобри литературни творби, ќе биде прикажан најдобриот краткометражен документарен филм и ќе бидат доделени дипломите и благодарниците на учесниците во проектот.

Награди за најдобрите:

1 x 1,2,3 -то наградени – ликовен конкурс

1 x 1,2,3 -то наградени – литературен конкурс

1 x 1,2,3 -то наградени – дигитална содржина

.На сите учесници и наставници - ментори ќе им бидат доделени благодарници за учество во проектот „Холокаустот низ призмата на детските очи“.

Сите ликовни, литературни и дигитални творби ќе бидат жирирани од комисија составена од стручни лица и остануваат во сопственост на Фондот на холокаустот на Евреите од Македонија

1. ЛИКОВЕН КОНКУРС- ТЕМА: „80 години од ослободување на Аушвиц“

Техника:  по избор на наставникот

Димензии на цртежи: 40x50см. Сите цртежи задолжително треба да бидат со овие димензии.

Ликовен проект: Најдобрите ликовните творби на учесниците во проектот ќе бидат претставени преку изложба во Меморијалниот центар на холокаустот на Евреите од Македонија на 24.04.2025 година, како дел од комеморативната програмата за одбележување на Јом Хашоа.

Пријавување на изработени ликовни творби: Секое училиште може да учествува со 10 ликовни творби. Ликовните творби треба да бидат предадени во Меморијалниот центар на холокаустот на Евреите од Македонија најдоцна до 10 април 2025 година на адреса: Меморијален центар на холокаустот на Евреите од Македонија, ул.11 Март бр. 2, 1000 Скопје

*Доделувањето на награди и благодарници ќе биде на отворањето на изложбата во Меморијалниот центар на холокаустот на Евреите од Македонија на 24.04.2025 година.

2. ЛИТЕРАТУРЕН КОНКУРС

Проект за пишување на литературна творба на тема: „80 години од ослободување на Аушвиц“

Своите творби учениците можат да ги напишат како проза или поезија.

Пријавување и доставување на изработени литературни творби: Менторот од секое училиште е потребно да направи селекција од најдобрите творби и да ги испрати на следната е-меил адреса: info@holocaustfund.org.mk со назнака „ЛИТЕРАТУРЕН КОНКУРС – Холокауст“

Доставување на творбите најдоцна до 01 мај 2025 година

Доделување на награди и сертификати

20.05. 2024 година во Меморијалниот Центар на холокаустот на Евреите од Македонија

3.ДИГИТАЛНА СОДРЖИНА

Изработување на краткометражни документарни филмови на тема: „80 години од ослободување на Аушвиц“

Важно! Се молат менторите и учениците да не користат заштитени видео материјали од интернет, таквите филмови нема да можеме да ги објавиме.

На крај од филмот задолжително да се впишат податоци за тимот кој го изработил, користена музика, година на изработка и извори на видео материјали. Времетраењето на изработените дигитални содржини да не надминува повеќе од 7 минути.

Задолжително со дигиталната содржина да се пратат точни податоци во табелата подолу.

 

	Име на фајл/ Име на филм/ траење	Училиште, место	Изработиле ученици и одделение	Ментор	Адреса: мејл и тел
1
2
3
4
5
6
7
8
9
10

 

 

Доставување на дигиталната содржина:

Дигиталните содржини – краткометражните документарни филмови треба да се достават до Меморијалниот центар на холокаустот на Евреите од Македонија  електронски преку WeTransfer или некоја друга платформа за која треба да нė информирате. Може да се достават и на CD најдоцна до 01.05.2024 година. Секое училиште може да учествува со еден или повеќе филмови.

Прикажување на победничкиот филм и доделување на награди и сертификати е на 20.05. 2025 година во Меморијалниот Центар на холокаустот на Евреите од Македонија

Лица за контакт од Фондот на холокаустот на Евреите од Македонија:

Маја Наноу  maja.nanou@holocaustfund.org.mk   071/399005  за ликовни творби

Жаклина Мучева  zaklina.muceva@holocaustfund.org.mk  071/399006 за литературни т.

Маја Јаневска Илиева fotoezrm@gmail.com 071386141 за дигитални содржини

ОСНОВНА И ГЛАВНА ЦЕЛ НА ПРОЕКТОТ:

- Хармонија и соживот меѓу народите и спречување на деструктивни појави, како што се расизмот, антисемитизмот, ксенофобијата и  шовинизмот

- Подигање на свеста на учениците за меѓусебно почитување и соживот

- Чување на моралните и етички вредности и придржување кон истите

- Продлабочувања на знаењата здобиени во рамките на формалното образование

- Запознавање на учениците со еврејската култура, традиција, историја и културно наследство

Носител на проектот:  Фондот на холокаустот на Евреите од Македонија